До утринските часови, повеќе од 2.300 летови беа откажани во источниот дел на САД, соопшти денеска службата за следење летови ФлајрАвер.
Тоа е најголем број откажани летови во еден ден пред католички Божиќ, кога авиокомпаниите изјавија дека морале да ги откажат летовите поради зголемениот број заразени со Ковид-19 меѓу персоналот, пренесе АП.
Повеќе од 12.000 летови за САД се откажани од 24 декември. Откажувањето на денешните летови не беше само поради коронавирус.
Поради лошите временски услови, Чикаго беше најлошото место во САД за патници, откажани се 800 летови на аеродромот О’Хер и повеќе од 250 на аеродромот Мидвеј.
Синоптичарите предвидуваа снег од девет сантиметри. Во Денвер, Детроит, Њујорк и Њу Џерси откажани се 100 летови.
Авиокомпаниите велат дека преземаат чекори за намалување на откажувањата на летовите. Јунајтед им нуди на пилотите да им исплати три пати повеќе од вообичаената плата за летови до средината на јануари.
