Крива Паланка, 12 март 2020 (МИА) – Градежните активности за реконструкција и санација на стариот пат кон манастирот Св. Јоаким Осоговски, се во полн ек за да се постигне навремено и квалитетно реализирање на предвидената динамика, информира службата за комуникација со јавност при општина Крива Паланка.
Посочуваат дека денеска градоначалникот Борјанчо Мицевски и претставници од надлежните општински служби од одделението за урбанизам и комунални дејности извршиле обиколка на терен, при што е констатирано дека динамиката на градба е во насока на навремена реализација на проектот.
-Завршена е подготвителната фаза од проектот за реконструкцијата и обновата на стариот пат кон манастирот и поради подобрените временски услови, а во најскоро време се очекува да биде поставен и комплетно нов слој асфалт со деблина од седум сантиметри. Во оваа фаза веќе се поставени нови рабници, асфалтни риголи и се врши надградба на постоечките банкини, а воедно интензивно се работи и на изградбата на потпорениот зид во должина од 33 метри, информираат од општината.
Вкупната инвестиција за реализација на овој проект е околу шеснаесет милиони денари.ид/са/
