Во Кина се регистрирани повеќе од 2.400 луѓе заразени со коронавирус, што е најголем број по повеќе од три месеци, објави Националната здравствена комисија. Ова е највисоката бројка од 12 мај годинава
Според кинеските здравствени власти, четвртина од заразените не покажуваат никакви симптоми. Кина продолжува да спроведува политика на нулта стапка на ковид преку масовно тестирање по избувнувањето и воведувањето на заклучување.
Мерките го држат вирусот под контрола од втората половина на 2020 година, но стратегијата е доведена во прашање од многу заразната варијанта омикрон.
Редовните блокади ја парализираат втората по големина економија во светот и предизвикаа остар пад особено на домашниот туризам.
Десетици илјади туристи се блокирани во јужното кинеско летувалиште на островот Хаинан, кој во моментов има најголем број заразени лица во земјата.