Во последните 24 часа во Грција се регистрирани нови 286 случаи на инфекција со коронавирус, а уште три лица починаа.
Според податоците објавени од Националната организација за јавно здравје, досега во Грција се евидентирани 16.913 лица заразени со Ковид-19, од кои 55,7 проценти се мажи.
Во моментов има 63 пациенти на реанимација, јавува агенцијата АНА, а 197 лица кои се опоравиле од коронавирусот, денес се пуштени од болниците.
Вкупно 369 лица починаа како резултат на инфекцијата.
