Германската влада ќе им обезбеди на граѓаните постари од 60 години бесплатни маски ФФП2, додека Баварија воведува зголемени мерки за затворање поради епидемиолошката состојба.
„За граѓаните постари од 60 години, обезбедивме по три маски ФФП2 што можат да ги земат во аптеките“, рече германскиот министер за здравство Јенс Шпан.
Фондот за здравствено осигурување ќе издава ваучери со кои ќе се подигнуваат маски во аптеките.
Шпан додаде дека „најважната цел“ е да се заштитат најранливите. Се проценува дека околу 27 милиони германски граѓани имаат право на бесплатни маски како дел од оваа акција.
Во исто време, германскиот министер за здравство предупреди дека овие маски не даваат целосна заштита.
„Носењето на оваа маска не значи дека другите мерки на претпазливост можат да се заборават“, рече Шпан.
Германската фондација за заштита на пациенти ја критикуваше мерката, укажувајќи дека повеќето од 2,5 милијарди издвоени за мерката ќе завршат во џебовите на фармацевтите.
