Германската влада планира да ги продолжи рестриктивните мерки поради епидемијата на коронавирусот до 14 март.
Според планот на владата, фризерските салони ќе се отворат на 1 март.
Поради ширењето на нови варијанти на коронавирусот, потребно е ограничувањата да останат на сила во наредните недели, се наведува во документот што ќе им биде доставен на официјалните лица на регионалните власти попладнево.
Училиштата, продавниците, рестораните, културните институции и спортските сали се затворени во Германија од средината на декември, а на некои места и од почетокот на ноември.
Мерките требаше да бидат на сила до 14 февруари, но според новиот план на владата, тие ќе бидат продолжени за еден месец.
