Гевгелија, 8 април 2020 (МИА) – Супермаркетите „Солун 53“, „Гушев маркет“, „Сорита“ и „Года“ се одзваа на повикот од Општинскиот кризен штаб да организираат достава на неопходни прехранбени артикли во времето забрането за движење на граѓаните.
Од ОКШ Гевгелија соопштија дека овие супермаркети нарачки ќе примаат по телефон и дека ќе ги доставуваат до граѓаните почнувајќи од денеска, утре и во петок од 16 до 20 часот, а во сабота и недела во времето од 10 до 18 часот.
Економските оператори од своите вработени ќе формираат служби за достава, кои ќе ги примаат нарачките на дежурните телефони и ќе ги испорачуваат на адреса на нарачателот.
Во Миравци, служба за достава ќе има продавницата „Холивуд“, а во Мрзенци нарачки за време на забраната за движење ќе доставува продавницата „Тас-Ком“.
Со организирана редарска служба и примена на заштитните мерки за спречување на ширењето на коронавирусот, утре, во времето од 9 до 14 часот ќе работи и Градскиот пазар во Гевгелија само за продажба на земјоделски производи и цвеќе. им/ир
