Велес, 6 април 2020 (МИА) – Во последните четири дена бројот на заболени од Ковид-19 во Велес се зголемил од шест на 10 лица.
На подрачјето на СВР Велес денеска во самоизолација се вкупно 51 лице, од кои 22 во Велес, исто толку и во Кавадарци, а во Неготино седум лица.
Во петокот 95 лица биле во самоизолација, од кои 41 во Велес, во Кавадарци 45 и во Неготино девет лица, што споредено со денеска е помалку за 44.
Викендов, сабота спрема недела, имало 13 прекршувања на полицискиот час, а од кои дури 10 прекршители се од Велес, три од Неготино, ниту еден од Кавадарци. Но, синоќа во Велес и Неготино немало нити еден прекршител на полицискиот час, а во Кавадарци двајца.
Од СВР Велес информираат дека против нив ќе се преземат соодветни санкции. ад/ир
