Гевгелија,13 мај 2020 (МИА) – Во центарот на Богданци, зад објектот на Комерцијална банка, почнаа градежните работи за уредување нов паркинг-простор, којшто многу ќе го растовари сообраќајниот метеж на главната улица.
Од општината велат дека активностите опфаќаат чистење на просторот, негово тампонирање, поставување мали рабници и редење бекатон плочки на површина од 852 метри квадратни.
За комплетно уредување на новиот паркинг простор општината ќе инвестира околу 8,2 милиони денари од сопствениот буџет во рамки на програмата за изградба, реконструкција, одржување и заштита на локалните патишта и улици во Општина Богданци за 2020 година. им/вг/
