Кичево, 16 март 2020 (МИА) – Во Кичево денеска се одржа вонредна крводарителска акција. Ја организираа Општинска организација на Црвениот крст во Кичево и Кабинетот на Институтот за трансфузиологија.
-Во оваа акција крводарители беа претежно хуманите луѓе кој имат крвна група нулта негатив. До овие моменти крв даруваа шест лица. Вообичаено како и при секоја крводаритрлска акција присутена беше нашата лекарската екипа. Ние како организатори сме задоволни од одзивот, зашто баравме претежно нулта негативна крвна група за која имавме неодложна потреба во моментов, рече д-р Валбона Незири.
Крводарителската акција се спроведе во просториите на Кабинетот за трансфузиологија. рз/мч/
