Францускиот предлог има многу елементи кои се во интерес на Македонија, велат од ВМРО-Народна партија.
Од партијата на Љубчо Георгиевски сметаат дека предлогот може да биде полезен за надминување на ветото и продолжување на европската интеграцијата на државата.
„Во исто време ги повикуваме сите оние кои го критикуваат францскиот предлог да не го отфрлаат во атмосфера на хистерија туку конкретно да ги критикуваат деловите кои сметаат дека не се во интерес на Северна Македонија.
На тој начин ќе демонстрираат дека сепак го прочитале францускиот предлог“, се наведува во партиското соопштение.
Претседателот на соседна Бугарија, Румен Радев, денеска изјави дека францускиот предлог во моментот е најдобар за надминување на спорот меѓу двете држави.