Голтарите на власта додека се богатат, граѓаните секој ден се повеќе осиромашуваат. Со мерките со кои што власта се фали дури над 35% од граѓаните се во ризик од сиромаштија, соопшти ВМРО-ДПМНЕ.
„ Според статистиката растот на инфлацијата е повисок од растот на платите и пензиите. За година ипол горивата поскапеа за 70%, струјата поскапи за 30%, парното за 15%, цената на лебот е зголемена и за 110%, а сите останати основни намирници се поскапени за 30-50%.
Под итно се потребни зголемувања на платите и во другите области, и раст соодветен на минималната плата. Вработените во образованието се потценети. Потребно е усогласување на платите согласно Колективниот договор со што наставниците ќе земаат и до 45 илјади денари. Повисоки плати мора да има и во високото образование“ велат од партијата.
ВМРО-ДПМНЕ ги поддржува протестите на синдикатите и велат дека работниците имаат право да се борат и да го бараат тоа што ги следува. Оттаму сметаат дека единствено реалниот раст на платите ќе го зачува стандардот на граѓаните.
„ Ковачевски треба да одговори реално во однос на пензиите дека ништо ново не нуди, туку само го враќа моделот што беше воведен од ВМРО-ДПМНЕ во 2012 година и со кој се покачуваа пензиите се до 2018 година, а го укина Заев. Власта иако го враќа моделот не им ги враќа парите кои Зоран Заев во меѓувреме им ги украде.
Со оваа криминална власт граѓаните секој ден стануваат се посиромашни“ обвинуваат од партијата.
