Ваква црна кампања досега е незапаметена и таа е последица на стравот од пораз на Шилегов и Заев, велат од ВМРО-ДПМНЕ, откако од СДСМ денеска објавија дека Данела Арсовска поседува бугарски пасош.
„Во целост ги демантираме ваквите невистини и ниту една црна кампања, вклучително и таа во која вмешуваат членови на потесното семејство на Арсовска, нема да им помoгне да го одбегнат поразот од народот кој им следи“, се наведува во партиската реакција.
Според ВМРО-ДПМНЕ, ова не е прв пат СДСМ, како што велат, да мавта со лажни обвинувања за бугарски пасоши.
„Ваквите лаги нема да го спасат ниту Шилегов од пораз и одговорност за прекумерното богатење додека е на државна функција. 4 стана, 2 хациенди е учинокот на Шилегов како градоначалник и еден тон лажни вести за прикривање на непособноста на Шилегов“, стои во реакцијата.