Утрински Весник
Македонија

ВМРО-ДПМНЕ предлага зголемување на пензиите за 20 отсто од април

ВМРО-ДПМНЕ предлага зголемување на пензиите за 20 отсто од април

Пратеничката група на ВМРО-ДПМНЕ до Собранието денеска поднесе Предлог закон за дополнување на Законот за пензиското и инвалидското осигурување, по скратена постапка, информира на прес-конференција координаторот на пратеничката група, Никола Мицевски.

Како што рече тој, овој предлог закон предвидува зголемување на пензиите за 20%, од месец април 2022 година.

„Имајќи ја предвид појавата на пораст на цените на одделни производи и електричната енергија кои се од витално значење за пензионерите како потребата од подобрување на животниот стандарт, сметаме дека треба да се обезбеди зголемување на старосната пензија, но и на сите останати видови пензии“, порача Мицевски додавајќи дека со предложеното законско решение ќе се подобри социјалната положба на корисниците на пензија.

Можете да прочитате

Мицкоски: Двојно е зголемен буџетот за науката

Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово

Во тек е јавен оглас за финансиска поддршка за потрошена електрична енергија за ранливи потрошувачи