Утрински Весник
Македонија

ВМРО-ДПМНЕ: Ковачевски и Османи да не го кријат протоколот, тој значи бугаризација на државата

Ковачевски и Османи да не го кријат протоколот, тој значи бугаризација на државата, народот е против тоа, велат од ВМРО-ДПМНЕ.

dobivaj vesti na viber

„Владата прво кажа дека ќе го објави, а сега веќе втора недела не го објавува протоколот. Предлогот кој власта сака да го помине низ Собрание е на штета на македонските национални интереси. Секој ден десетици илјади луѓе кажуваат не за бугаризација и асимилација. Академската заедница, новинарите, колумнистите, сите се гласни и јасни дека предлогот кој владата сака да го турка во Собрание ги негира македонскиот јазик и идентитет“, се истакнува во соопштението од опозициската партија.

Со предлогот, појаснуваат од таму и се дава право на Бугарија и да ги пишува учебниците по историја во Македонија и да ја блокира земјата на патот кон ЕУ, ако нешто не и се допаѓа.

„Владата не води грижа за македонските интереси, тие само сакаат да добијат сликање во Брисел, и да ја остават Македонија потоа со еден тон проблеми. Власта не смее да го игнорира народот. Предлогот мора да го отфрли, и да не се користат пратениците од мнозинството да гласаат нешто што е на штета на Македонија“, потенцираат од ВМРО-ДПМНЕ.

Можете да прочитате

Арсовска до Николовски: Откако цела држава виде дека имаш надлежност да рушиш дивоградби, почни со тие што се реална закана

„ДУИ ги остави пожарникарите на немилост, вработуваме 400 пожарникари и градиме функционален систем за противпожарна заштита“, велат од „Влен“

На граничните премини без поголеми задржувања за влез и излез од државата