Утрински Весник
Политички Партии

ВМРО-ДПМНЕ: Зградата дивоградба на Шилегов ќе биде урната по смена на власта

ВМРО-ДПМНЕ: Зградата дивоградба на Шилегов ќе биде урната по смена на власта

Зградата дивоградба на Шилегов ќе биде урната веднаш по смена на власта, општеството треба да се исчисти од криминалци, реагира опозициската ВМРО-ДПМНЕ.

Според оваа партија, институциите со денови молчат за луксузната дивоградба на Петре Шилегов.

„Да беше дивоградба на обичен граѓанин досега ќе беше срушена, но кога станува збор за функционер на СДСМ инспекторите никаде ги нема. Институциите се неми пред криминалот на градоначалникот во заминување Петре Шилегов. Дваесетина дена јавно се посочува дека Петре Шилегов менува документи во Катастар во неработен ден во сабота“, пишува во соопштението од ВМРО-ДПМНЕ.

ВМРО-ДПМНЕ, дополнуваат од партијата, посочува со денови дека Петре Шилегов пријавил имот изградена луксузна вила од 300м² со 4 пати помала вредност. Дваесетина дена секој ден јавно се посочува дека Петре Шилегов има коли од 130.000 евра, кои што не се пријавени во анкетниот лист, додаваaт од таму.

Велат, дека освен што институциите молчат, дури и Петре Шилегов се крие од камери и бега од одговори.

Јавното обвинителството мора да почне да работи по допрен глас, потенцираат од опозициската партија, додавајќи дека молчењето на институциите единствено значи соучество и злоупотреба.

„Петре Шилегов е веќе завршена приказна. Шилегов не смее да избега од одговори и одговорност“, стои напишано во писмениот допис од ВМРО-ДПМНЕ.

Можете да прочитате

Митева: Денешната оставка на Ковачевски е почеток на крајот за СДС и ДУИ

Jana

СДСМ: ДПМНЕ е осамено на проруската агенда, против ЕУ и без коалициски партнери

Jana

Најголемата ИТ компанија во Македонија се ребрендира: Сеавус е сега Киншифт