ВМРО-ДПМНЕ го победи СДСМ, а БЕСА ја победи ДУИ во Тетово. Владејачката коалиција нема никаков легитимитет да продолжи да ја води државата, велат од ВМРО-ДПМНЕ по објавата на првичните резултати од изборите за советници во општина Тетово.
Според ВМРО-ДПМНЕ, Ковачевски треба да го признае поразот и да си поднесе оставка веднаш.
„Само предвремени парламентарни избори се решение. СДСМ и ДУИ владеат без поддршка од народот, и работат само за себе и своите криминални дилови“, велат од ВМРО-ДПМНЕ.
Оттука порачаа дека Ковачевски треба веднаш да си даде оставка, оти ден поминат на власт, ќе биде илјадници гласа минус за него на наредните избори.
„Народот е јасен, Ковачевски нема легитимитет“, велат од ВМРО-ДПМНЕ.