Реал Мадрид соопшти дека фудбалерите Винисиус Жуниор и Тибо Куртоа се заразени со Ковид 19. Позитивни резултати добиле и Федерико Валверде, како и Едуардо Камавинга.
„Кралскиот клуб“ последните недели се соочува со големи проблеми поради ширењето на вирусот меѓу играчите.
Последните тестирања покажаа дека и последните четворица заразени, според правилникот, ги чека десетдневен карантин.
Претходниот период позитивни тестови на опасниот вирус добија Модриќ, Марсело, Родриго, Бејл, Лунин, Алаба и Иско.
Шпанските медиуми пренесуваат дека Асенсио добил негативен тест.
Фудбалерите на Реал вчера се вратија на тренинзите, а наредниот меч е предвидено да го одиграат на 2 јануари, против Хетафе.
> Вирусот диктира и во Реал, уште четворица позитивни <
