Лондон, 27 јуни 2020 (МИА) – Крилниот напаѓач на Челси, Вилијан призна дека сè уште не решил за својата иднина. Тековниот договор на 31-годишниот Бразилец истекува во август, откако тој се согласи да ја заврши сезоната со „сините“.
Медиумите на „Албион“ исто така информираат дека „сините“ се подготвени со понуда за нов договор, со кој Бразилецот ќе остане уште две сезони на „Стемфорд Бриџ“, но тој сака договор на три години. Јувентус покажува интерес за Вилијан.
– Сакам добро да ја завршам сезоната. Можеби ќе заминам, можеби ќе останам. Не знам што ќе се случи, но сега сакам да играм добро за да може Челзи да заврши во топ четири, рече Вилијан.
