Министерството за внатрешни работи во текот на вчерашниот ден (10.08.2021) продолжи со засилените акциски контроли во областа на сообраќајот.
На територијата на град Скопје изречени се вкупно 139 мерки, меѓу кои за возење повеќе од дозволената брзина 23 санкции, 26 прекршоци што ги чинат пешаците, 15 за возење без возачка дозвола.
Изречени се седум мерки за користење мобилен телефон, пет за возач почетник, седум за прекршоци што ги чинат возачите на мотоцикли, 36 за непрописно паркирање.
МВР апелира до граѓаните да ги почитуваат сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.
