Доцна синоќа на граничниот премин „Табановце“ полицијата и мобилен тим од Царинската управа, фатиле тројца дилери од кои две се жени додека при влез во државата се обиделе да внесат кокаин, хашиш и марихуана.
Од МВР информираат дека приведени се А.Г.(40), Т.Д.(39), двете од Скопје и А.Б.(36) од Тетово.
„Полициски службеници сопреле патничко возило „БМВ“ со холански национални ознаки, управувано од Т.Д., во кое сопатници биле А.Г. и А.Б. и при претрес во возилото биле пронајдени три пакувања со вкупно 204 грама кокаин, наменет за улична продажба каде би достигнал вредност од околу 15.000 евра, 1 пакување со хашиш, три пакувања со марихуана и мешавина на тутун со хашиш“, информираат од полицијата.
Тие се приведени во полициска станица во СВР Куманово, а во координација со Јавен обвинител по целосно документирање на случајот против нив ќе биде поднесена соодветна пријава.