Невреме проследено со обилни врнежи од дожд ги погоди денеска Котор и Тиват, што предизвика големи проблеми во сообраќајот.
Дел од патиштата и крајбрежните објекти во Тиват се под вода.
Работниците на комуналната служба, Водовод и канализација, и припадниците на Службата за заштита и спасување се на терен.
Слично е и во Котор, каде возилата се движат низ поплавени улици.
https://www.youtube.com/watch?v=–Ge_TgIJmE
Дирекцијата за вонредни состојби на Министерството за внатрешни работи на Црна Гора предупреди дека од денес до понеделник се очекуваат нестабилни временски услови со врнежи од дожд, грмежи и засилен ветер, пишува „Вијести“.
Издадено предупредување за Хрватска
Во Хрватска издадено е предупредување за невреме проследено со обилен дожд и град. Се додава и можност за торнадо и силни налети на ветер.
Најмногу врнежи се очекуваат во вечерните часови.
Severe Weather Europe објави прогноза со која најавува големи врнежи од дожд за Западен Балкан и дел од Медитеранот.
