Пo големите порои предизвикани од топењето на глечери, во саботата се урна мост во Хасанабад во пакистанската долина Хунза.
На снимката се гледа како бетонските блокови од мостот попуштаат среде поројот. Хасанабад ги поврзува северен Пакистан и Кина на автопатот Каракорам, пишува „Јаху“.
Локалната полиција извести дека возилата сега се пренасочуваат кон патот Sas Valley.
Поплавите уништија и две електрани во Хасанабад. Официјалните лица ги евакуирале жителите кои живеат во најзагрозената област.