Во саботата попладне се случи голем одрон на карпи на плажа на Канарските острови. Сето тоа се случило на островот Ла Гомера, кога големо парче од карпа покрај плажата се одрони и падна во морето.
Vídeo del increíble desprendimiento sucedido hoy en #LaGomera. Increíble. No se acerquen a la zona. Gracias
pic.twitter.com/YOdifqVwDj— Meteo_Tenerife????????? (@tenerife_meteo) November 14, 2020
Во тоа време, на плажата имало пет лица кои останале отсечени поради свлечиштето, а потоа биле спасени од шпанската спасувачка служба. Во свлечиштето никој не е повреден, а шпанските власти продолжија да бараат други лица кои можеби биле заробени или повредени.
Според „Ел Мундо“ единиците со кучиња не нашле никого под свлечиштето, па затоа е укината тревогата што траела додека се трагало по евентуално исчезнати лица.
Властите во моментов ја проверуваат стабилноста на карпата и размислуваат како да го исчистат она што се срушило на плажата.
