Романските граѓани излегоа на улиците синоќа во знак на протест против анти-епидемиските мерки.
Протестни митинзи беа одржани во Букурешт и најмалку уште 17 други места, а илјадници луѓе одговорија на повикот на новата ултранационалистичка партија наречена Алијанса за единство на Романците. Оваа партија има свои претставници и во парламентот, пишуваат тамошните медиуми.
Со транспаренти и слогани „медицински диктатори“ во Букурешт, демонстрантите се собраа пред зградата на владата и користеа пиротехника за да го изразат своето незадоволство. На истокот од земјата, камења и пиротехника биле фрлани кон полицајците.
После релативно тивок период во февруари, во Романија капацитетите на единиците за интензивна нега повторно се скоро целосно исполнети. На многу места е во сила забраната за напуштање на куќи и станови поради Ковид-19.
Во зависност од нивото на инциденца, можно е да се применат локално поблаги, но и построги мерки од оние утврдени на национално ниво.
