Белоруската полиција соопшти дека уапсила 633 лица на вчерашниот протест против претседателот Александар Лукашенко, кој владее 26 години и победи на изборите во август, чиј легитимитет оттогаш беше оспоруван од опозицијата и нејзините приврзаници на масовните протести.
„Вкупно 633 лица беа приведени вчера (недела) за кршење на законот за масовни собири“, соопшти белоруското Министерство за внатрешни работи.
Во притвор се наоѓаат уште 363 лица кои чекаат судење.
Ова е најголем број приведени од 9 август, кога Белорусите изразија незадоволство од резултатите на изборите, за кои сметаат дека се наместени, на масовниот протест, кој беше задушен од безбедносните сили.
https://www.youtube.com/watch?v=28HZy9-JG_0
Повеќе од 100.000 луѓе маршираа низ центарот на Минск во неделата, четврти викенд по ред, и покрај големиот број полицајци распоредени на улиците на главниот град.
На снимката се гледа како специјалци со „фантомки“, во цивилна облека или униформи, патролираат низ центарот на градот со палки, бркајќи ги демонстрантите.
Протести имаше и во други градови, како што се Гродно или Брест.
