Натали Портман во средата се огласи на социјалните мрежи за да го потсети Крис Хемсворт дека тој не е единствениот Тор.
40-годишната актерка на својот инстаграм-профил сподели постер од новиот филм за суперхерои, Thor: Love and Thunder („Тор: Љубов и молња“), на кој е прикажана во оклоп како ракува со чеканот на богот на громот.
„Мислеше дека си единствениот… @chrishemsworth“, напиша Натали во описот на објавата за своите 7,6 милиони следачи.
Оскаровката ќе ја репризира улогата на Џејн Фостер во претстојното продолжение, во кое ќе глуми и Крис (38).
Таика Ваитити (46) е режисер и косценарист на филмот, продукција на „Марвел студиос“.
Натали ќе го портретира Моќниот Тор, нејзиното ново алтер его.
