Најмалку 10 луѓе се убиени во пукање во градот Бафало во американската сојузна држава Њујорк, пренесоа американските медиуми. Пукањето се случило во супермаркет.
Локалната полиција соопшти дека напаѓачот е уапсен и моментално е во притвор. Властите се уште не ги потврдиле деталите за инцидентот. Полициски извори велат дека напаѓачот влегол во продавницата со пушка и носел воена опрема и панцир. Полицијата ги затвори улиците околу супермаркетот.
A clip from the live stream on Twitch that is claiming to have been a live stream video of the mass shooting at the Tops Market in #Buffalo, #NewYork. The video is NOT graphic, it shows the moments before the shooting begins. pic.twitter.com/KrlgYgdaFY
— Ice Analytics (@ice_analytics) May 14, 2022
Напаѓачот, наводно, емитувал се на „Твич“, социјална мрежа за стриминг на видео содржини. На приложеното видео се прикажани моментите пред нападот и очигледно не се прикажани убиствата. Предупредуваме дека на некои луѓе видеото може да им биде вознемирувачко.