Утрински Весник
Македонија

(Видео) Заев на средба со Сасоли: Нема да дозволиме нашиот идентитет да биде ставен на масата за дебата

(Видео) Заев на средба со Сасоли: Нема да дозволиме нашиот идентитет да биде ставен на масата за дебата

Премиерот Зоран Заев денеска во Брисел оствари средба со претседателот на Европскиот парламент (ЕП), Давид Сасоли.

Како што информираат од владината прес-служба, Заев на средбата со Сасоли нагласил дека неговата посета на Брисел во деновите кога министрите за надворешни работи на земјите-членки на ЕУ дебатираат за стратешкиот пристап на Унијата кон земјите од Западниот Балкан, има за цел да биде слушната пораката дека Македонците и граѓаните на Северна Македонија нема да преговараат за сопствениот идентитет и нема да дозволат таа тема да биде ставена на масата за дебата, во име на стартот на преговорите со ЕУ.

Премиерот воедно побарал поддршката што континуирано ја дава ЕП да биде уште понагласена во претстојниот период, за да се одобри организирање на првата меѓувладина конференција меѓу Северна Македонија и ЕУ како почеток на процесот за пристапување на земјата во членството на ЕУ.

Заедно со премиерот Заев на средбата присуствуале и вицепремиерот задолжен за европски прашања, Никола Димитров, министерот за надворешни работи Бујар Османи и шефицата на Постојаната мисија на Северна Македонија во ЕУ, Руси-Поповска.

Можете да прочитате

Спречен канал на илегално внесување на ловечка муниција на Граничен премин Стар Дојран

АМСМ: Сообраќајот на магистралниот пат Куманово-Крива Паланка со наизменично пропуштање на возилата

Сообраќајот на патот Куманово–Крива Паланка во целосен прекин, поради сообраќајка