Холивудскиот заводник Жерард Батлер создаде навика да сурфа на брановите на Малибу како начин да остане активен за време на пандемијата на Ковид-19.
Во неделата попладне тој реши да се одмори од плажа и да се префрли на копно за да вози велосипед во близина на Тихиот океан. За време на неговата екскурзија, шкотскиот актер (50) уживаше во прекрасните глетки и во уште еден пријатен летен ден во Јужна Калифорнија.
Ограничувањата на движење и другите превентивни мерки за лична безбедност сè уште се на сила во Лос Анџелес како последица на многуте нови случаи на коронавирус, а холивудските студија беа промирани да одложат повеќе продукции и премиери.
Американската премиера на најновиот филм на Батлер, „Гренланд“, беше одложена три пати летово и сега се очекува на 25 септември.
Апокалиптичната семејна драма во режија на Рик Роман Ваг веќе премиерно се претстави во Белгија и Франција, а во Скандинавија е закажана за 12 август.
„Гренланд“, во кој глумат Морена Бакарин и Скот Глен, е апокалиптична сторија за распаѓачка комета која паѓа на земјата срамнувајќи цели градови, што резултира во хаос и лудило низ цел свет.
