Градоначалникот на Месина, град на Сицилија, Катено фе Лула, денеска започна штрајк со глад, против владините мерки за спречување на ширењето на коронавирусот.
За викендот тој поставил шатор во пристаништето во градот и оттогаш е во него. Неговата намера е симболично да го блокира преминот на Месина, кој се наоѓа меѓу Сицилија и италијанското копно.
Де Лука, водач на регионалното движење „Сицилија вера“, протестира против правилото дека само вакцинирани луѓе и оние кои ја преживеале короната можат да дојдат на островот и да го напуштат островот, било со брод или со авион.
Овој политичар тврди дека државата ја окупирала Сицилија.
Тој вчера поднесе оставка од функцијата градоначалник, а таа стапува на сила во февруари. Затоа утрово отиде чекор понатаму и на Фејсбук објави дека започнува штрајк со глад.
>Credevo stamattina, uscendo dalla tenda di trovare qui il presidente Musumeci, ma non è venuto. Ancora è in tempo…”, conclude #DeLuca.” (Adnkronos; archived version: https://t.co/DY7up5uGio)
— Logic Geometry, Information (@LGcommaI) January 18, 2022
Владата во Рим од 10 јануари применува построги правила со цел да го намали ширењето на вирусот и да се обиде да ги принуди оние кои не сакаат да се вакцинираат да го сторат тоа.
Правилото за вакцинација сега важи за хотели, конгресни центри, ресторани, скијачки центри и локалниот и друг сообраќај, како што се траектите.
