Грчките пожарникари сe уште се борат со пожарот што ја зафати една од последните преостанати борови шуми во близина на Атина, предупредувајќи дека пожарот може да ги загрози станбените згради.
Повеќе од 500 пожари избија низ цела Грција во последните недели, уништувајќи ги шумите и принудувајќи илјадници луѓе да се евакуираат.
? | NEW: Forest fires near Athens, Greece
pic.twitter.com/tYVwCJq5dW#BREAKING
— Furkan (@Furkan38276857) August 18, 2021
„ Пламенот е огромен. Не знам што ќе се случи, пожарот се приближува до куќите”, изјави Лефтерис Космопулос, заменик-гувернер на регионот Западна Атика, за државната телевизија ЕРТ, пренесува „Ројтерс“.
Автобусите беа во состојба на готовност во градот Вилија, на околу 50 километри од Атина, со цел да се евакуира локалното население во случај на потреба, бидејќи силниот ветер дополнително ја запали пожарната стихија.
Water-bomber planes, helicopters and crews battling many fire fronts north west of #Athens.#athensfire #wildfire #greecewildfires #fires #greecefires #greeceisburning pic.twitter.com/DbYyj3K1X4
— Evangelo Sipsas (@EvangeloSipsas) August 18, 2021
Иако 400 грчки пожарникари ги гаснат пожарите во Западна Атика, со помош на колегите од Полска, 15 хеликоптери и шест канадски авиони, од вчера се евакуирани десетина помали села.
Претходно денеска, градоначалникот на градот Мандре, Христос Статис, за грчките медиуми изјави дека постојат силни индиции дека пожарите биле подметнати од пиромани.
