Голем пожар го зафати Шибеник. Како што пренесуваат медиумите, ситуацијата во Шибеничко-книнската жупанија е многу тешка. Пожарот кој беснее со часови ги загрозува зградите, а според информациите веќе изгореле неколку згради и автомобили.
Поради пожарот затворени се околните патишта. Паника се шири меѓу жителите и бројните туристи, а се направија и гужви додека голем број луѓе се обидуваа да се евакуираат.
Smoke billowing from a fire near #Šibenik #croatia pic.twitter.com/aYrRY0vrkQ
— Mark (@TheMarkOfLife) July 13, 2022
Бидејќи патиштата се затворени или заглавени со возила, евакуацијата започна од најзагрозениот Затон, место на устието на реката Крка во Јадранското Море. Евакуацијата се врши по морски пат, а мештаните од Затон и Раслина со гумени чамци се превезуваат кон Билице.
Огнот го гаснат повеќе од 100 пожарникари, со над 40 возила и два канадери, а на готовност има повеќе пожарникари од околните области.