Германската министерка за надворешни работи Аналена Бербок беше цел на напад во Вупертал, јавуваат медиумите во регионот.
Бербок присуствувала на предизборен митинг во Вупертал пред покраинските избори во Северна Рајна-Вестфалија за поддршка на кандидатката на Зелените, Мона Нојбауер.
Таа излегла да зборува на собирот, но набргу потоа жена од публиката ја гаѓала со јајца, што таа вешто го избегнала наведнувајќи се брзо, пишува во новинарските извештаи.
Exclusive – Germany:
Foreign minister Annalena Baerbock was thrown with eggs during a speech in North Rhine-Westphalia, trying to explain her govt’s policy in Ukraine.
– Tensions are growing in west Europe as Greece, Cyprus and Malta block sanctions against Russia-owned ships pic.twitter.com/kBi1UN9bSL
— @KassMedefer (@KMedefer) May 9, 2022
„Можете да фрлате јајца колку сакате. Никој нема да ме заплаши“, кажала министерката, порачувајќи ѝ на жената што гаѓала со јајца да го почитува нејзиното право на мислење, додавајќи дека смета дека треба да се изрази на поинаков начин.
Од полицијата соопштиле дека „јајцето ја промашило целта“, а против жената која го фрлила јајцето ќе биде поднесена кривична пријава за обид за нанесување телесни повреди.