Шведскиот дипломат Карл Билд објави видео на „Твитер“, во кое се гледа реакцијата на српскиот претседател Александар Вучиќ за време на говорот на американскиот претседател Доналд Трамп во Овалната соба.
„Ова е моментот кога претседателот Вучиќ беше информиран дека (српската) амбасада во Израел ќе биде преместена во Ерусалим“, коментира Билд.
Додека Трамп кажува дека амбасадата ќе биде преместена во јули, додавајќи дека тоа е фантастично, Вучиќ во моментот прави зачуден израз и почнува да ги прелистува хартиите пред да ги погледне членовите на српската делегација.
Here the moment President Vucic ?? was informed that he was going to move his Israel ?? embassy to Jerusalem. pic.twitter.com/8195dGDZQT
— Carl Bildt (@carlbildt) September 5, 2020
Префрлувањето на српската амбасада во Ерусалим е последната точка од договорот потпишан во Белата куќа во петокот, а преселувањето треба да се случи до 1 јули 2021 година.
Вучиќ синоќа зборуваше за снимката.
„Се изнаслушав од разни луѓе. Тие велат: Погледнете ја реакцијата на Вучиќ – тој дури и не го прочита договорот. Еј, вие сега на оние нискобуџетни луѓе, некој рече будали – никогаш не би го рекол тоа, од разни социјални мрежи, никогаш не би користел такви изрази, па – дали овие луѓе знаат дека секој збор го проверував 500 пати цел ден и цела ноќ“, изјави Александар Вучиќ пред новинарите по состанокот во Брисел.
Тој рече дека не постои човек што ги знае овие договори подобро од него.
„Во таа сала, сите заедно не знаеја колку што знаев јас за едниот или за другиот договор и за точните разлики. Останува на мене да прочитам и да видам – и каде е другиот договор, за некој да не го потпише она што не е наше. На крајот се случи да ги заменат папките “, рече Вучиќ.
„Тогаш имав добра папка, но тие подоцна ги заменија папките, а јас гледав да не ни се случи тоа“, додаде тој.
Тој вели дека сето тоа се случило затоа што не одговара на никого што Србија постигнала многу добар договор.
„И тоа што беше почитувана во САД, бидејќи такво почитување не сме доживеале уште од Втората светска војна, од 1970 година, кога Ричард Никсон, заедно со Тито, беше во Белград, пред точно 50 години. Оттогаш не сме имале толку почит, и разбирам дека им пречи“, рече Вучиќ.
