Нема мир на Блискиот Исток. Нови воздушни напади на Израел врз Газа, a Хамас возврати со пукање во воздушните бази. Израел тврди дека разговорот за прекин на огнот нема да биде на маса сѐ додека не бидат уништени воените ресурси на Хамас.
Во израелските удари утрово загинаа најмалку шест лица во Газа. Целосно уништена е куќата на големо семејство.
„Само што се вративме од утринската молитва, сè уште беше темно, ненадејно нè погоди ракета без предупредување и ја уништи куќата“, рече сопственикот.
Израелската војска соопшти дека ги проширила нападите врз воени цели на југот на палестинската територија. Меѓу убиените во Газа има и радионовинар.
Екстремистичките организации во Појасот Газа во текот на ноќта и утрово истрелаа ракетен напад кон јужен и централен Израел. Хамас тврди дека биле насочени кон израелските воздушни бази.
Војската соопшти дека нема информации дека ракетите погодиле некоја од тие бази.
„Бев во близина кога слушнав страшна експлозија. Жена ми ме повика и ми рече дека прозорците и ролетните се испукани. Сега видов дека мојот автомобил е погоден“, рече сведок од Израел.
Not 1.
Not 2.
Not 3.4,000 rockets were fired from Gaza toward Israel in the last 10 days.
We will continue to defend Israel. pic.twitter.com/fnwgs6U1rt
— Israel Defense Forces (@IDF) May 19, 2021
ООН објави дека дури 52.000 Палестинци во Појасот Газа останале без покрив над главата од почетокот на конфликтот и дека 47.000 од нив побарале засолниште во камповите на ООН. Во своето обраќање до нацијата премиерот Нетанјаху не спомена крај на војната.
Бројот на жртви од двете страни расте, а дипломатските напори за постигнување примирје засега не даваат резултати.
