Францускиот политичар Стефан Клеро, кој е член на владејачката партија „Република во движење“ на францускиот претседател Емануел Макрон, изјави дека во текот на викендот бил нападнат од демонстранти кои протестирале против воведувањето на пропусницата за ковид.
„ Очигледно ќе поведам судска постапка. Некои луѓе мислат дека не се носат правилни одлуки. Сите добиваме смртни закани по пошта, а тоа во одреден момент мора да престане“ изјавил Клеро за „Франс инфо“, пренесе „Ројтерс“.
L’agression de Stéphane Claireaux à son propre domicile lors de la manifestation contre le passe sanitaire est absolument inacceptable. Les images sont profondément choquantes. pic.twitter.com/S4ttQF2WTG
— Annick Girardin (@AnnickGirardin) January 9, 2022
Француската министерка за море, Аник Жирарден, го осуди нападот врз Клеро, објавувајќи видео од инцидентот на Твитер, на која се гледа како демонстрантите фрлаат кал врз Клеро додека тој стои пред неговата куќа.
„ Нападот на Стефан Клеро пред неговата куќа за време на демонстрациите против здравствениот пропусник е целосно неприфатлив. Сликите се крајно шокантни – напиша Жирарден.
Нападот врз Клеро, кој се случи во неделата, доаѓа во време на зголемен гнев во јавноста во Франција, предизвикан од изјавата на Макрон, кој неодамна изјави дека сака да ги изнервира невакцинираните луѓе, со тоа што ќе им го комплицира животот, поради што на крајот ќе мораат да се вакцинираат против Ковид-19.
