Руското Министерство за здравство очекува вакцината против коронавирус, „спутник лајт“, да биде регистрирана во Русија на почетокот на мај, изјави денеска рускиот министер за здравство Михаил Мурашко.
„Планираме да ја регистрираме (вакцината) за време на мајските празници“, им рече тој на новинарите, пренесе ТАСС.
Министерот претходно рече дека првите резултати од студијата за вакцината „спутник лајт“ се прилично охрабрувачки.
Тој не ја исклучи можноста вакцината да се користи за ревакцинација.
