Вкупно 90 лица сомнителни и потврдени за Ковид-19 се лекуваат на инфективните одделенија и тоа 26 во Скопје и 64 во ковид-центрите во земјава, информираат од Министерството за здравство.
Од таму додаваат дека во изминатите 24 часа, поради компликации од коронавирусот, во Скопје е примен еден пациент и 9 во болниците низ земјава.
Во изминатото деноноќие дома се пуштени 22 оздравени пациенти.
Во ГОБ 8 Септември има вкупно 9 болни, а на Клиниката за инфективни болести и фебрилни состојби лежат 17
пациенти.
Вкупно 64 пациенти се хоспитализирани во ковид-центрите во болниците во Битола, Штип, Тетово, Велес, Куманово, Охрид, Прилеп, Гостивар, Струга, Струмица и Кичево.
Инаку, сите одделенија на клиничките болници располагаат со болнички места до кои има довод на кислород.
Министерството за здравство има увид во состојбата со капацитети и доколку има потреба одделенијата ќе бидат дополнително проширени.
