И покрај тоа што не извршува должности како член на кралското семејство веќе 15 месеци, Меган Маркл, наводно, е решена да ја задржи титулата војвотка од Сасекс.
Британски „Мирор“ цитира инсајдер кој тврди дека Меган смета дека губењето на титулата што ја доби откако се омажи за принцот Хари во 2018 година може да биде „пи-ар катастрофа“.
Меган и Хари објавија дека се повлекуваат од своите кралски должности во јануари 2020 година, но продолжија да ги користат своите престижни титули во нивниот јавен живот.
Весниците во Британија потенцираат дека 39-годишната Меган се нарекува себеси војвотката од Сасекс на сите платформи, а неодамна напиша детска книга „Клупата“ под тоа име.
Извор близок до поранешната актерка изјави: „Меган е загрижена да не ја изгуби титулата по неодамнешните откритија на Хари за неговото семејство“.
Таа, наводно, му рекла на Хари дека треба да ги смират нападите врз кралското семејство. Меган стравува дека ќе им ги одземат кралските титули, што би било катастрофа за нивниот пи-ар.
„Во моментов, таа е преплавена со понуди, а тоа делумно се должи на фактот дека е војвотка“, вели изворот.
Ова доаѓа откако Хари се отвори во врска со своите роднини во документарната серија за ментално здравје, The You You Can Not See, која ја продуцира заедно со Опра Винфри.
