Британската министерка за надворешни работи Лиз Трас денеска ќе ја објави својата кандидатура за нов британски премиер, во се пожешката трка за замена на Борис Џонсон, ветувајќи дека ќе донесе тешки одлуки и ќе започне економски раст.
Трас беше трета во првиот круг на гласање меѓу конзервативните пратеници во средата, во кој поранешниот министер за финансии Риши Сунак доби најмногу гласови.
Во средата се одржа првиот круг од натпреварот со осум кандидати за наследник на Борис Џонсон на чело на конзервативната партија и премиерско место, при што Сунак доби најмногу гласови, 88.
Со тој круг бројот на кандидати се намали на шест и тие денеска ќе се соочат во вториот круг на гласање, кога ќе биде елиминиран кандидатот со најмалку гласови.
Следните рунди ќе се организираат додека не се искристализираат двајца финалисти. Резултатот се очекува на 5 септември.
– Подготвена сум да бидам премиер од првиот ден. Можам да водам, да донесам тешки одлуки и да бидам на ниво на моментот – рече Трас на почетокот на својата официјална кампања.
– Имам план да ја направам Велика Британија економија со висок раст – рече таа, пренесуваат светските агенции.
