Фудбалскиот сојуз на Бразил побара од ФИФА да примени санкции кон англиските клубови од Премиер лигата. Бразилците бараат казни за шест клубови кои не ги пуштија репрезентативците да настапат во јужноамериканските квалификации за пласман на Светското првенство.
Бразил, како држава, се наоѓа на црвената листа во Велика Британија. Според здравствените протоколи за сите оние кои од Бразил влегуваат во Велика Британија задолжителен е десет дневен карантин.
Со евентуални санкции се соочени Манчестер јунајтед, Лидс, Евертон, Манчестер сити, Ливерпул и Челси.
> Бразил бара ФИФА да ги казни англиските клубови <
