Фронтменот на „Калчр клаб“, Бој Џорџ, бара актер за да го глуми во новиот музички биографски филм што треба да почне со снимање ова лето.
Британскиот пејач, кој ќе наполни 60 години следната недела, во април на социјалните мрежи објави кастинг-повик за филмот „Карма камелеон“, насловен по еден од хитовите на бендот во 1980-тите.
Џорџ, чие вистинско име е Џорџ О’Дауд, во интервју за „Ројтерс“ говореше за потрагата по актер кој ќе го потретира него во претстојниот документарец, за неговиот роденден и за издавање нова музика.
На прашањето како се чувствува сега, кога треба да наполни 60 години, Бој Џорџ одговори: „Се чини интересно! Jaс чувствувам слобода што доаѓа во овој момент од мојот живот и не знам дали тоа е поврзано со мојата возраст или поради одредени работи.“
