Милано, 21 мај 2020 (МИА) – Фудбалерот од средниот ред на Милан, Џакомо Бонавентура е близу до трансфер во Рома, објави „Кориере дело Спорт“.
Според изворот, 30-годишниот Италијанец, чиј договор со „росонерите“ истекува на крајот на јуни, веќе ги договорил условите на договорот со римскиот клуб. Пријавено е дека Бонавентура ќе добие околу 2,5 милиони евра годишно.
Во сезоната 2019/20, Бонавентура настапи на 19 натпревари за Милан, постигна три гола. зс/
