Синоќа околу два часот по полноќ била фрлена експлозивна направа кон ресторанот „Колестерол“ во Белград. Во инцидентот нема повредени, пренесоа српските медиуми.
Според информации, непознат маж активирал и фрлил рачна бомба во ресторанот. Бомбата експлодирала и предизвикала материјална штета. Во ресторанот бил пронајден осигурувач.
Објектот бил затворен и во него немало никој, а оштетени се и два автомобила паркирани пред ресторанот. Полицијата сè уште спроведува увид.
„Слушнав експлозија околу два часот по полноќ и излегов да видам што се случува. Некој фрли бомба и побегна со автомобил. Веднаш повикав полиција и пријавив што се случи”, изјавил за „Блиц“ чувар на објект во близина на ресторанот.
