Претседателот на Бразил, Жаир Болсонаро потврди дека вчера сакал да удри по глава еден новинар.
Инаку, новинарот го прашал што знае за уплатата која ја извршил поранешниот соработник на неговиот син, на сметката на неговата сопруга, Мишел Болсонаро.
„Сега ќе те удрам по глава, ок?“ одговори десничарскиот претседател на новинарот од весникот „О Глобо“, пренесе Ројтерс.
На почетокот на август, бразилските медиуми пренесоа дека Фабрисио Кејроз, поранешен соработник на сенаторот Флавио Болсонаро – син на претседателот Жаир, уплатил 72 илјади реали или речиси 13 илјади долари на сметка на сопругата на претседателот.
Кејроз е уапсен и против него се води истрага за проневера на околу 1,2 милиони реали или 213.500 американски долари.
