Американскиот државен секретар Антони Блинкен денеска изјави дека рускиот претседател Владимир Путин се обидува „да ја сврти историјата за да ја оправда својата непредизвикана и брутална војна против Украина“.
„Додека војната повторно беснее во Европа, ние мора да ја зголемиме нашата решеност да им се спротивставиме на оние кои сега сакаат да манипулираат со историската меморија за да ги постигнат сопствените амбиции“, рече Блинкен во пресрет на 77-годишнината од победата над нацистите.
„Одбележувајќи го крајот на Втората светска војна, имаме света должност кон загинатите: да ја кажеме вистината за минатото и да ги поддржиме сите оние во нашата доба кои се борат за слобода“, додаде тој.
Крајот на Втората светска војна се означува на 8 мај, но Русија ја слави советската победа над нацистите на 9 мај. Москва планира воена парада и се очекува говорот на Путин за војната во Украина.