Министерот за економија, Крешник Бектеши, тврди дека нема да се скратат часовите во кои скопјани ќе добиваат топлинска енергија. Од утре управувањето со топлинската енергија ќе го превеземе државната ЕСМ, а државата на владина седница ќе ѝ даде повеќе пари на компанијата за да може да набавува ресурси.
„ЕСМ треба да го достави предлог-договорот за деловна соработка со БЕГ. Во согласност со одлуката за прогласување кризна состојба, дополнително ќе вшприцаме средства во ЕСМ за да се справат со кризата и за да управуваат со компаниите. Од утре ЕСМ ќе управува со трите БЕГ сѐ со цел скопјани да имаат топлинска енергија и тоа ќе биде до крајот на грејната сезона. Договорот ќе го достави ЕСМ“, вели Бектеши.
Дополнителни рестрикции засега нема да има.
„Греењето нема да биде скратено, туку ќе работи до 1 по полноќ. Не верувам дека ќе биде намалена топлината, според правилата мора да биде 20,1 степени“, рече Бектеши.
