Минхен, 28 мај 2020 (МИА) – Баерн Минхен е пред продолжување на договорот со дефанзивецот Давид Алаба, пренесува новинарот Николо Скира.
Според изворот, клубот од Минхен му нуди на 27-годишниот Австриец договор до крајот на јуни 2024 година. Тековниот договор на Алаба со Баварија завршува на крајот на јуни 2021 година.
Претходно беше објавено дека Интер и Реал се заинтересирани за фудбалерот.
Алаба има еден гол и две асистенции на 31 натпревар за Баерн во сезоната 2019/20. Порталот „Transfermarkt.com“ го проценува Австриецот на 52 милиони евра. зс/
