Претседателот на ДУИ, Али Ахмети денеска во обраќањето пред јавноста од Школката во Градскиот парк во Скопје по повод 19-годишнината од основањето на партијата се обрати и на македонски јазик и како новитет ја објави зелената агенда на партијата.
„Почитувани медиуми, драга младино, почитувани граѓани, добар ден“, рече Ахмети.
Тој искористувајќи го како повод Меѓународниот ден на животната средина, порача дека дојдено е време да се прифатат политики за зелена развиена и безбедна иднина.
„Денес е ден на животната средина. Исполнет е Охридскиот договор, интеграција во НАТО, правична застапеност. Се изградија училишта, болници, театри. Време е ДУИ целосно да се фокусира на животот. На 19-иот роденден на ДУИ започнуваме нова политика и дирекно дејствување, политика за еколошка правда и квалитетен живот. Зелената агенда станува дел од ДУИ“, порача партискиот лидер.
